1,5 մլն դոլար` Էբոլայի վիրուսի դեմ պայքարին. ankakh.com

Ճապոնիայի կառավարության գլխավոր քարտուղար Յոսիխիդե Սուգին տեղեկացրել է Արևմտյան Աֆրիկայի երկրներին Էբոլայի տենդի դեմ պայքարելու համար 1,5 մլն դոլար տրամադրելու մտադրության մասին:

Դրամական միջոցներն այդ կփոխանցվեն ԱՀԿ-ի, ՅՈՒՆԻՍԵՖ-ի, Կարմիր խաչի ու Կարմիր մահիկի միջազգային կազմակերպությունների միջոցով:
 
Ավելի վաղ ԱՀԿ-ն Էբոլայի տենդը համաշխարհային նշանակության սպառնալիք ճանաչեց: Վերջին տվյալներով, վարակից մահացել է 1069 մարդ, շուրջ 2000-ն էլ վարակված են: Հիվանդության կապակցությամբ արտակարգ դրություն է հայտարարվել Գվինեայում, Լիբերիայում ու Սյերա-Լեոնեում:
 
Էբոլայի տենդը հայտնի է 1976-ից: Հիվանդությունից մահացությունը կազմում է 90%: Այն փոխանցվում է շփման  ճանապարհով: Հիվանդների մոտ ախորժակի կորուստ է առաջանում, բարձրանում է ջերմությունն ու գլխացավ է սկսվում, իհայտ են գալիս փսխումը, ցանը, լուծը: Ու ի վերջո սկսվում է  ներքին և արտաքին արյունահոսություն:
Սկզբնաղբյուր. ankakh.com

Հարցեր, պատասխաններ, մեկնաբանություններ